دخلت إمتحانات التكنيكال Technical الخاصة بال UNIX
قبل ما أدخل للمقابلة كان معايا نوتة صغيرة كاتب فيها أسماء الستاف بتوع التراكات اللى أنا متقدم فيها ، أول ما دخلت :
المحادثة :
أنا باللون : الأسود .
مهندس محمد الدسوقى رئيس قسم اليونكس باللون الأحمر .
مهندسة هدير مدرس مساعد بالمعهد باللون الأزرق .
السلام عليكم باش مهندس / محمد ( م / محمد الدسوقى رئيس قسم اليونكس )
السلام عليكم باش مهندسة هدير ( م / هدير هشام محمد مدرس مساعد )
وعليكم السلام
وعليكم السلام
- م / محمد قال لى إتفضل
وسألنى عن إسمى وبدأ يسألنى
إنت مختار إيه فى التراكات
- Open source و UNIX
- إيه وجه الشبه بين الإثنين ؟
- الإثنين مفتوح المصدر وأقدر أطور عليهم وأضع أفكارى بخلاف الويندوز .
- تعرف يعنى إيه binary ؟
- أجبت ده نظام العد الثنائى اللى الكمبيوتر بيفهمو وهو مكون من 0 و 1 .
- تعرف يعنى إيه compiler ؟
- ده عبارة عن برنامج بيقوم بترجمة البرامج التى نكتبها إلى لغة الآلة وهى ال 0 و 1 .
- فى أنظمة عددية تانى للكمبيوتر ؟
- آآه النظام السداسى عشر و ..
- إيه هو النظام السداسى عشر ده ؟
- مكون من 16 رقم وحرف ( يبدأ من 0 إلى 9 ثم نضيف حروف A و B و C و D و E وF .
- إنت عرفت الحجات دى إزاى ؟
- دى كانت هوايتى ( القراءة عن لغات البرمجة ).
- عملت إيه بعد ما خلصت جيش
- كنت شغال على المدونة بتاعتى
- إنت ليك مدونة ، إيه الرابط بتاعها
- قلت له http://tgarab.blogspot.com
- عملتها إزاى
- شرحت له إزاى .
- تعرف الكارتة ؟
- آآه ، كل عربية بتدفع فلوس لما بتعدى من مكان ما .
- إيه رأيك فى الكارته ، شيء كويس ولا وحش ؟
- شيء كويس، بنساعد بالقليل لتعمير البلد .
- طيب الكارته بتأخر عملية المواصلات ؟
- بصراحة إيه ، دى مشكلة فى النظام المتبع .
- طيب تعرف تحل المشكلة دى ؟
- ممكن نعمل نظام إستشعار عن بعد ، بحيث إن العربية لما تعدى من أمامه يتسجل رقمها ، ويتبعت الرقم ده على موقع حكومى خاص بالمواطن ، وآخر الشهر يتجمع ويدفع زى أى فاتورة . يبقى دفع الفلوس ولم تتوقف حركة المرور .
- Let’s talk in English.
- Ok
- What about Egyptian Revolution? Was it good?
- Yes, it …..
- What are the problems you face in Egypt?
- Transport, People habits …
- شكرا يا صلاح .
- العفو سيادتك .
بدأت المهندسة هدير :
- تعرف لغات برمجة أيه؟
- قلت HTML و JavaScript وCSS و PHP و ....
- بس ال HTML و JavaScript وCSS مش لغات برمجة .
- آآه بس بحب أبدأ بيهم عشان أبدأ من السهل للصعب ، وأنا أشتغلت على PHP.
- تعرف تكتبلى كود بال PHP ؟
- أنا بصراحة كنت بعلم نفسى وانا فى الجامعة لكن دخلت الجيش ومن بقالى فترة كبيرة مكتبتش أى كود فا مش فاكر حاجة .
- فى شغلك على النت إتعاملت مع قواعد البيانات ؟
- آآه ، مع MYSQL و أكسيس .
- طيب بتنشأ قاعدة البيانات بكود إيه .
- لأ ، أنا كنت بتعامل مع PHPMYADMIN وبأنشء قاعدة البيانات من غير كود .
كملت طبعاً حسب الخطة 888
أنا طبعاً بستخدم الأسلوب الأسهل فى شغلى علشان مضيعشى وقت كبير ، أنا جربت قبل كده أشتغل بالأكواد وبتأخذ منى وقت طويل ، ودلوقتى بوصل للى أنا عاوزه فى وقت بسيط .
- يعنى أنت تقدر تستخدم الأكواد ؟
- آآه أنا أشتغلت بيها كتير قبل ما أدخل الجيش ، أنا صممت حوالى 65 موقع منهم اللى كان بالأكواد .
- كويس ، تعرف يعنى Firewall ؟
- جدار حماية ، بيحمى الجهاز من هجمات الهاكرز .
- طيب دا سوفت ولا هارد وير ؟
- سوفت وير .
- موجود فى اليونكس ؟
- موجود فى كل أنظمة التشغيل ( الويندوز – اللينكس ، اليونكس ، ... ، وكمان موجود فى برامج الأنتى فيروس ).
- أنت مختار تراك إيه تانى ؟
- Open Source Developer .
- يعنى إنت ميولك للويب ؟
- آآه .
- تعرف حاجة عن IBS ( مش فاكر بصراحة هى قالت إيه )
- بصراحة، مش عارف .
- مسمعتش عنه قبل كده ؟
- لأ .
- شكرا يا صلاح ، تقدر تتفضل .
- متشكر جداً يا باش مهندسة هدير ، متشكر جداً يا باش مهندس محمد ، السلام عليكم .
- وعليكم السلام .
- وعليكم السلام .
خرجت ونزلت للقاعة ب2020 ، ملقتشى حد ، لقيت واحد سألته قالى القاعة رقم كذا بيتم فيها إختبارات ال Software ( القسم اللى إنت مختارة وهو ( open source ) تابع لل software ، رحت ولقيت إسمى هناك وجلست شوية فى قاعة الإنتظار .
المرة الجاية هقول لكم إيه اللى حصل فى الإنترفيو بتاع Software .
المشاركات
تعليقان على { 4- يوم الإنترفيو – المقابلة الشخصية بمعهد ITI }
31 يوليو 2012 في 6:01 م [حذف]
ربنا معاك يا باشا و بالتوفيق, انا محتار بين الunix و الprofessional developer و بصراحة انا مش عارف عنهم اوي و مش عارف في لغات البرمجة خصوصا اني خريج تجارة و متعاملتش معاهم قبل كده بس انا طول عمري نفسي ادخل في مجال الIT و البرمجة لو تقدر تساعدني و تقول ابتدي منين و مستقبل الاتنين دول والفرق بينهم...
2 أغسطس 2012 في 2:43 م [حذف]
آسف على التأخير فى الرد
اليونكس سوف يتيح لك العمل فى كبرى الشركات المصرية مثل فودافون وإتصالات وغيرها بمرتب كبير
أما developer فهى مختصة ببرمجة مواقع الإنترنت أو البرمجة بشكل عمومى بلغات مثل php
سأحاول أن أقدم شرح وافى يوضح الفرق بينهما، ولكن على العموم المجالين مطلوبين جداً إلا أن developer متاح بكثرة فى أى مكان بخلاف اليونكس.
هل تريد التعليق على التدوينة ؟